دعم ملكي للمتضررين من الفيضانات: 6 آلاف درهم للأسر و140 ألف لإعادة بناء المنازل

تنفيذاً للتعليمات الملكية، الحكومة طلقات برنامج خاص بالدعم والمواكبة ديال العائلات المتضررة من الفيضانات اللي عرفتها مناطق الشمال والغرب، بسبب الشتا الغزيرة والاستثنائية خلال الشهرين اللي فاتو.

وحسب بلاغ رئاسة الحكومة، هاد البرنامج جا من بعد تشخيص ميداني دقيق لحجم الخسائر وحاجيات الناس المتضررين، مع تعبئة مختلف القطاعات الحكومية باش يتطبق البرنامج بشكل فعّال.

هاد الدعم كيشمل مساعدات مالية مباشرة كتوصل لـ 6 آلاف درهم لكل أسرة متضررة، بالإضافة إلى 15 ألف درهم لإصلاح المساكن والمحلات الصغيرة اللي تضررات، و140 ألف درهم لإعادة بناء الدور اللي تهدمات كلياً بسبب الفيضانات.

وأكدات الحكومة أن صرف هاد المساعدات غيكون بمعايير مضبوطة وتحت إشراف لجان مختصة، باش يوصل الدعم للي مستحقّيه فـ أقرب وقت ممكن.